Інформація про пісню На цій сторінці ви можете ознайомитися з текстом пісні Vorem Gsicht, виконавця - Tommy Vercetti. Дата випуску: 26.09.2019
Лейбл звукозапису: Eldorado
Мова пісні: Німецька
Vorem Gsicht |
| Lug, i hane Job, är macht mi kaputt, houptsach är zaut |
| Fingä ke Schlaf, figgetmer mi Chopf, i wirdä hiä nid aut |
| Schaffe z lang, mache aues, niämer zaut, niämer fragt |
| Obi glücklech wär, obi überläb', hüt platzt mer dr Hals |
| I ga zu mim Chef, forderä mi Stutz, si Blick dümmlech fies |
| Glatt rasiert u Schlips, kantige Schnitt, d Huut schwammig wiiss |
| Het ke Ziit, nickt nur doof, nid sis Bier, drittä Stock |
| Oberscht Firmeboss, i zittere bim Chlopfe und tritte ii |
| Glatt rasiert u Schlips, kantige Schnitt — det sitzt genau dr Gliich! |
| Verarschä die mi iz? fragi mi verwirrt, wo är mi zrächt wiist |
| Figg uf dä, nid mit mir, i ha Rächt, vor Gricht mit däm |
| Azeig versandt, Achläger-Stand, dr Richter tritt ii |
| Glatt rasiert u Schlips, kantige Sch… — nomau genau dr Gliich! |
| Arbeitsvertrag, erwachsnige Maa, süsch gäbs ke Bewiis |
| Mir wird schwindlig, Fiumriss, Irrsinn, Wahnsinn |
| Verlüüre dr Verstang, tröimä gloub ds aues und flüchtä uf d Schissi |
| Gibä no nid uf, wändä mi ad Press u schribä are Zitig |
| Journi chrüzt uf, bi nid überrascht: s isch genau dr Gliich |
| So ä Lohngschicht sig ke Skandau, ke Story, viu z normau aues |
| Si brüüchtä haut Wärbig, und Wärbig Riichwiiti |
| Gwärkschaft isch gfragt, d SP, di kämpfä schiins gägä di Riichä |
| Ä Verträter chlopft a, Händedruck starch — und widr dr Gliich |
| Klassekampf: auti Sprach! Kompromiss, Machtbalance |
| Heisst: ei Hand wäscht di anger, und niämer häbt mini |
| I ha mini Würd, i bi o ä Bürger, iz machi Skandau |
| Nimä dr Zug uf Bärn, stürmä ds Parlament u schreiä i Saal |
| Aber o hiä, aui Gsichter: hundert Mau au dr Gliich |
| Stö iz aui uf, öffnä ires Muu und singä im Chor: |
| Widerstand isch am Änd vom Tag eifach dumm |
| Du nennsches: Diebstau, mir: Privateigetum |
| Si fülle dr Cheque us, mir mache nume Gsetz drus |
| U lö mir ihne ds Land, lö si üs aus Pfand s Gärtli drumum |
| Statt undankbar und niidisch söui fründlech und lieb si |
| Wüu di unschlagbar Riiche süsch nüm investiärä |
| Näschtbeschmutzer, Fänsterwärfer, Gangster fasch, ächti Gfahr |
| I weigere mi, mä schreit: Polizei! — und nomau dr Gliich |
| So ändet ds mit Gfängnis für mi, ganz ohni Glanz |
| Gäud regiert d Wäut meistens ganz ohni Kampf |
| Ir Nacht es Grüüsch, i wachä uf, Zäuä-Tür, ä Schattewurf |
| Glattrasiert u Schlips, kantige Schnitt — u zeigtmer si Schwanz… |