Текст пісні Wat Für E' Booch! - BAP

Wat Für E' Booch!

Endlich wohr et do, off zoröckjewese
Endlich kunnt mer’t lese, hück vüür fuffzich Johr
Schonungslos un kloor, odemlos jeschrivve
Nix wohr övverdrivve
Halt su, wie et wohr
Ohne Punkt un Komma, unjefähr
Drei Woche op Fernschreiberpapier
Kaffee, Zijarette, Speed em Bloot
Daach un Naach enn die Maschin jehack:
«On the Road»
Wat für e' Booch!
Wemmer sich drop enlööt
Sich met op dä Wääsch määt
Kritt mer nie jenooch
Jung un affjebrannt
Autostop un Greyhound
Daachdraum ohne Schlaachbaum
Krüzz un quer durch’t Land
Richtung Ohio, övver Ashtabula
Spääder noh Nebraska
Övver Omaha. Mississippi Gene, Marylou un Camille
Wie verloorne Engel
Whiskey, Codein
El Paso, L.A., San Francisco
Ungerwähß met Sal un Dean, bess noh Mexico
Wat für e' Booch!
Wemmer sich drop enlööt
Sich met op dä Wääsch määt
Kritt mer nie jenooch
Jung un affjebrannt
Autostop un Greyhound
Daachdraum ohne Schlaachbaum
Krüzz un quer durch’t Land
Scheherazade, improvisiert
Dionysisch, unzensiert
Bebop, Bars un Benzedrin
Tallahassee, New Orleans
Övver Highways, durch de Sood
— Jack Kerouac: «On the Road»
Wat für e' Booch!
Wemmer sich drop enlööt
Sich met op dä Wääsch määt
Kritt mer nie jenooch
Jung un affjebrannt
Autostop un Greyhound
Daachdraum ohne Schlaachbaum
Krüzz un quer durch’t Land